投資者日記港紙都炒埋一份 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 08:22:41 09/26/03 Fri
Author: 曹Sir
Subject: 投資者日記港紙都炒埋一份

9月23日，周二。今天恆生指數升71.09，收10944.36；成交一百零四億七千一百萬元。9月期指高水，收10970點。利豐（494）升4.2％，見十二元五角五仙；中石油（857）升4.2％，見二元五角；中石化（386）升4.6％，見二元零五仙。不過，中國聯通（762）跌2.5％，見五元七角五仙；亞細安（022）升14％，見九角八仙；大中華實業（431）跌9.9％，見三角二仙；四通電子（409）升2.2％，見九角四仙；新意網（8008）跌2.8％，見一元九角七仙。人民幣遠期合約（十二個月）升水三千五百七十五點子，即一美元兌七點一九五人民幣。今天金管局要吸收六千萬美元去阻止港元偏離七點八兌一美元（港元最高見七點七三○五兌一美元）。換言之，在美元貶值心理下，連港紙都畀人炒埋一份！

合和基建具增長股潛質

　　合和基建（737）估計2003╱04年度純利可達七億四千四百萬元，升39.5％，每股獲利二角五點八仙，?狺Q六點一倍，如獲得港珠澳大橋興建權，將成為另一增長股，為2006年後提供純利增長來源。

　　中遠太平洋（1199）上半年獲利五億七千四百萬元，升5.4％，較市場估計少，估計全年獲利十三億四千三百萬元，升11.4％，每股獲利六角二仙，?狺Q四倍。最近收購中遠物流49％，代價十一億八千萬元人民幣，有助明年純利上升，後市展望股價有一定抗跌力。中遠太平洋以六億九千二百五十萬元購入中遠物流30.47％，另以四億二千一百一十萬元向母公司收購中遠物流18.53％，完成後共佔中遠物流49％，估計該公司今年可獲利二億元。

　　8月份消費物價指數降3.8％（7月份降幅4％），係連續第五十八個月下滑，此乃政府為對抗沙士宣布取消房地產稅、水費和排水費四個月的後果，9月份起CPI跌幅可進一步收窄，因為零售商就沙士所提供的折扣隨消費支出和遊客數字回升而逐步取消，加上9月起美元匯價又再回復弱勢……。

　　9月份對美元好友並唔仁慈，呢個情況為股市帶來陰影，因股市最討厭陰晴不定，但大跌之後又如何？在G7壓力下，中國政府只會保持沉默，但唔會即時讓人民幣升值。日本在完成首相選舉後，相信很快又干預市場，大家又忘記在周一曾經發生過乜嘢事，一如上周四襲擊美國的颶風曾造成一定破壞，但颶風過後又再天朗氣清，陽光普照。

　　G7會議後引發美元大跌，但美國財長斯諾立即指出G7唔滿意嘅只係94年起人民幣同美元掛丶，以及日本政府不斷入市干預日圓匯價，而唔係認為美元應該轉弱，市場反應係美元立即止跌回升。睇嚟明年阿殊競選連任總統時，中國政府必須就人民幣表態。當然，中國政府有條件對G7說「不」，但中國既然參加WTO，就應該按照國際規矩辦事，唔可以有著數就ゲ而唔理會國際責任；beggar thy neighbor行為係國際間唔容許嘅；反之，日圓已上升，唔少問題出於日本人太愛儲蓄唔愛消費，剩咗大把錢冇地方使，結果造成日圓唔合理地偏高。

美經濟增長強勁只能聽住先

　　美元一度轉弱，令道指跌1.1％，納指跌1.6％，美債亦跌，重返匯率弱股市弱的情況。不過，歐洲股市未因歐羅強而上升，德國、法國、瑞士股市一樣跌到七個一皮，日股更跌4.2％，韓股跌4.6％。但有人認為，美元回落應睇好美股，美國企業在海外收益因匯價因素而上升。睇嚟喺9月結前美股仍然冇方向，繼續玩個別發展。　　過去美元跌，我地可以ケ歐羅及日圓；今時今日美元跌，只有人民幣匯價可以睇好，但我地只可ケ小量人民幣，因為冇正式渠道存人民幣；如歐羅及日圓再升，佢地本身經濟都出問題，擔心資金最後避難所將係黃金！

　　同七十年代唔同，當年推動金價上升的壓力係通脹，今天全世界都面對生產過剩（over-production），中國同印度加起來有二十億人口，都願意為低工資而工作，高工資地區如何競爭？最先轉移嘅係製造業，然後係服務業後勤基地，上述情況令失業率上升，本應引發當地經濟衰退而出現調整；不過，日本及中國等產品出口國又將美元用於購買美債，令利率回落；加上聯儲局加印鈔票，美國人透過將物業再按揭，又可保持消費，於是經濟暫且保持繁榮，直到有一天日本及中國等國家停止購買美債為止。今年上半年中國政府購入四百一十四億美元政府債券，較一年前上升一倍，未來中國政府會否繼續買？尤其係6月份起美債已進入大熊市，美國共負債三十一萬億美元，係美國GDP三倍，依家仍搵唔到妥善辦法減債，只靠窮兵黷武去維持外強中乾局面。今天你去沃爾瑪逛一圈，可發現大部分產品都係「Made in China」，最難搵到係「Made in U.S.A.」嘅產品（美鈔除外）！1850年開始英國工業迅速移去美國，到1900年在英國買到的產品大部分來自美國或大英聯邦，英國工業沒落，最後亦令米字旗從世界各地沒落，同樣情況71年起在美國出現，如無意外，美國遲早步英國後塵，失去國際霸主地位。

　　長遠而言，美元匯價必沉，理由係美國負債太多，任何貨幣匯價不應由其他國家人民的信心支持，別國賺咗美元購買美元資產（如債券、股票及房地產），將美元recycle，美國政府乘機減息刺激經濟，上述方法可收一時之效，但非長遠之計。任何國家、公司或私人都唔可以長期依賴借錢度日，此乃我老曹對近期所謂「經濟復甦」抱懷疑態度之底因，因為美國第二季GDP增長率其中一半來自軍費開支，另一半來自更新電腦（Y2K後電腦又進入更新期），但政府話未來GDP增長率甚至較第二季增長3.1％更大，暫時聽住先！

俄羅斯明言吸金

　　俄羅斯央行已表明，如歐洲各央行願意拋金，俄羅斯願購入，佢地希望自己外匯儲備最少有10％係黃金！本周歐洲央行的《華盛頓協議》結果如何？係明年9月後每年賣金五百公噸？根據瑞銀集團計算所得，俄羅斯截至9月12日止外匯儲備六百二十億美元，只要把2.5％外匯轉為黃金，以依家市價計可吸納一百二十噸金或四百萬盎斯！換言之，俄羅斯如真係吸納黃金，已可抵銷其他歐洲央行齊齊沽金的壓力。會後荷蘭央行行長魏霖克上周日曾表示《華盛頓協議》恐怕冇乜ぞ實際行動，極有可能押後到明年春季再傾！

　　擒日講開金本位制，今日同大家講講英鎊含金下跌嘅簡史。英國1821年採用金本位制，每一英鎊含金七點三二二三八克，第一次世界大戰喺1914年爆發，英國停止金幣流通及停兌黃金。1925年5月13日恢復兌換金塊本位制，但31年9月21日再次放棄。到第二次世界大戰完結，每一英鎊含金量已降至三點五八一三四克。第一次世界大戰後，英鎊國際貨幣的地位因不能再兌換黃金而漸漸被美元取代，第二次世界大戰期間英國實施外匯管制，把一英鎊定在四點○三美元，47年7月15日取消外匯管制，但8月1日又再恢復。49年9月英鎊貶值30.5％，一英鎊兌二點八美元，67年11月18日再貶值到二點四美元，含金量降至二點一三二八一克。73年3月19日歐洲各國宣布自由浮動後，74年1月英國宣布有管理浮動匯率機制，90年10月8日宣布加入歐洲各國ECU體系及在92年9月16日宣布退出及貶值。　　從英鎊唔再兌換黃金的1931年到74年變回地區貨幣，前後四十三年，美國71年宣布唔再兌換黃金至今三十二年，美元十年後會否亦變回地區貨幣，未來國際貨幣地位由其他國家取代（最大可能性係黃金）？

　　高盛證券認為，第三季本港樓價略為反彈，主因係資金推動，情況同股票市場相似，銀行存款接近冇息，加上後沙士期產生的樂觀情緒，而且北京為香港經濟打打氣的自由行及明年1月落實的CEPA，都係心理因素大於實際！本港住宅樓供求平衡最快2005年才能達到，所謂自由行買樓團佔本港近月總成交不足3%。

　　香港人口六百八十萬，家庭數目二百一十萬（平均三點二人一家庭和日本看齊），其中92%中產家庭已擁有自住物業，以本港家庭數目每年增加1%計，住宅樓需求亦只有二萬一千個。所有已發展經濟地區地產循環周期皆十分長，例如日本90年見頂至今十三年仍在尋底；香港由97年第三季起至今已回落68%【圖】，時間六年有多，並唔算長，因此2005年樓市復甦已係相當樂觀估計。據估計，今年及明年每年必須消化三萬個私人住宅或每周售出六百個，才能令2005年達到供求平衡。

REITs係另一部抽水機

　　過去十二至十八個月樓宇建築全面放緩，主要係存貨充足及去年11月起政府暫停賣地一年，至於明年如何？過去赤松在預算案中估計2004/05年度賣地收入一百三十三億元，佔總收入6%，如明年繼續暫停賣地，明年度財政赤字令人擔心。

　　97年樓價回落後，98年至2000年樓價反彈14.7%，然後又回落18%；2001年反彈只有5.6%，然後又跌7.1%；2002年反彈2.5%後，再回落5%；今年年初至8月樓價跌幅11.3%，9月份反彈2.5%的機會十分大，問題係依家仍屬買家市場，賣家對樓價影響力唔大。

　　地產股方面，因為過分睇好樓價後市而引發V型反彈，亦到咗計數離場之時，高盛證券建議在地產股身上獲利回吐，尤其明年本港將有地產投資信託基金（REITs）推出，成為另一部抽水機！

　　上周六（9月20日）由新城財經台主辦、東亞銀行獨家贊助嘅「非常談」，估唔到咁多人鍾意聽我老曹講ぞ，首先向ゲ唔到飛嘅讀友聽眾講聲鎖你。不過咁，新城電台已安排咗响國慶日假期（10月1日）上午十一至十二點重播，無論上周六有冇份出席，各位到時都不妨重溫ら當日片段。

　　旺城國際（2389）、衝浪平台軟件（8178）停牌。

　　維奧生物科技（1164）向廣泰收購四川維奧15%，代價四千七百多萬元，其中40%以現金支付，其餘二千八百三十萬元以每股四角六仙發行新股支付亦可以現金分期支付），佔擴大股本後4.5%。四川維奧去年獲利四千四百九十三萬八千多元，是次收購代價係七倍?牷C

　　亞細安以每股八角配售一億六千二百萬股，令公眾持有量上升至25.04%。

　　理文造紙（2314）9月26日上牌。

　　■亞洲鋯業（395）9月28日公布業績。

[ Next Thread | Previous Thread | Next Message | Previous Message ]