投資者日記港股進入鬆綁區 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 02:04:19 10/03/03 Fri
Author: 曹Sir
Subject: 投資者日記港股進入鬆綁區

10月2日，周四。今天恆生指數升316.25，收11546.12；成交一百九十八億四千七百萬元。新地（016）升8.37％，見六十八元；電視廣播（511）升9.77％，見三十八元二角；白馬戶外媒體（100）升7.26％，見四元八角；思捷環球（330）升8.28％，見二十五元五角！投資者繼續拋售美元吸納港股。

　　收市後恆基中國（246）公布2002╱03年度營業額一億八千八百三十三萬元，較上年度減67.4％；虧損三億九千五百一十八萬元或每股八角，派息三仙，全年派息每股六仙。恆基發展（097）2002╱03年度營業額十一億八千一百二十五萬元，較上年度減0.6％；獲利十六億二千五百七十六萬元，較上年度減8.67％；每股獲利五角八仙，股息每股一角一仙，全年派息每股二角二仙，由恆基地產（012）持有73.48％；恆基地產營業額七十六億六千七百四十六萬元，較上年度升23.08％；獲利二十二億四千二百三十四萬元，升4.142％，每股獲利一元三角，股息四角五仙，全年每股派息八角。

　　後市展望仍係炒個別股份，恆生指數進入阻力區。

人總受主觀願望影響

　　美股是否已於去年10月擺脫熊市？恆生指數是否在今年5月擺脫熊市？好淡友仍在爭拗，雙方理據充分。道指去年10月9日至今升幅達27％，納指升幅更達60％，愈來愈多人相信美股已擺脫熊市，自1932年至今美股跌市從來唔超過三年！認為熊市未結束者話，呢一次熊市係科網股泡沫爆破導致，任何泡沫爆破後都需要一段好長時間才醫得番，因此2000年開始時熊市唔係普通熊市，而係連綿不絕嘅熊市（secular bear market），類似90年日股；去年10月至今標普五百指數大幅反彈後?狺w達二十八倍，即使今年純利大幅上升，未來?狺敦疚F十八倍，上述?狾n難令股價進一步上升；加上利率已經接近歷史性低位，因此認為呢次只係熊市反彈或周期性牛市（cyclical bull market）。

　　分析股市方向從來都係唔容易嘅工作，更唔係走勢派所言畫畫吓就知道牛熊。我老曹入行三十幾年，見盡分析員風光一面，亦見盡分析員落寞一面；甚至我老曹自己分析生涯亦如此。冇一個分析員可以每次皆準，因為人總帶偏見，例如二十五至三十五歲的分析員通常閱歷較少，略帶睇好心態；三十五至四十五歲的分析員閱歷較多，通常沉實穩重；四十五至五十五歲的分析員見盡人間冷暖，通常略帶悲觀。換言之，無論係自認幾客觀，好多因素都足以令你受主觀願望影響，此乃為何需要分析工具去糾正個人主觀願望。

即日鮮促使泡沫形成

　　形成泡沫其中一個理由係即日鮮，2000年科網股泡沫爆破後，朝種樹晚𠝹板情況收斂咗幾年，到今年8、9月份又再出現，人人希望買中一隻明天（或今天）上升10%或以上的股份，大量即日鮮出現，令近月成交額大幅上升。熊市二期殘酷之處便是必須將散戶購買力消耗得八八九九，反彈市才結束！三年唔見，短線客近月又大量湧現，股市再次進入莫名其妙的亢奮，再一次證明股票市場只有三分一時間係理性，其餘三分二時間係非理性（唔係偏高就係偏低）。今時今日，買股票講乃唔乃奇嗰隻股，根本毋須理由。

　　點解冇真正經濟復甦？因為我地冇真正經濟衰退！點解冇真正經濟衰退？因為聯儲局2001年起減息，令美國GDP 2001年11月回升，今時今日的問題在於資金成本太便宜，結果有大量鑊鏟友！2001年年初炒過一次，2002年中又炒過一次，2003年下半年又炒多次，根本上唔少投資市場已轉型為賭場，在賭場輸掉一百萬元毋須理由，贏咗一百萬元亦毋須理由，甚至話再膨脹都係十分牽強之理由。許多時在人們轉念間，例如由恐慌到挫折感，然後由憤怒到莫名其妙的興奮，今年4月到9月股市反映嘅唔係經濟真實一面，而係港人情緒的變化。作為分析員，除咗略懂經濟、略懂走勢分析外，最重要係有市場觸覺（market-minded）；其次係面皮夠厚，因為或遲或早你會因睇錯而受別人指摘，到時最好厚著面皮承認而非死撑面子。面對大量免費服務分析員同真正嘅分析員爭飯碗，股市愈旺，免費分析員愈來愈多，佢地上電視上電台或在報章上提供免費口水分析，當股蟻陷入瘋狂之際，真正嘅分析員的意見仲有冇市場？

美股孖展戶口負債近年新高

　　美國紐約交易所孖展戶口負債一千四百九十六億六千萬美元，係近年新高水平，已超過去年6月一千四百六十億美元，代表短線炒家又大量入市，最高紀錄係去年3月二千七百八十五億美元。

　　過去我老曹已一再強調，世上最愚蠢嘅事係淡市估低、旺市估頂，點解唔等市場自己話你知！因此，在8、9月份做咗適當減持後，餘下貨尾最好等候沽出訊號出現才行動！在低利率壓力下，唔少投資者會做出非理性行為，便是為咗追求回報而忽略損失本金的風險。上帝要人滅亡，必先令人瘋狂（whom the gods would destroy,they first make mad！）。

　　我老曹能夠做嘅係推介各位在便宜水平買股票、外匯或基金，並在偏高水平建議各位獲利回吐，但永遠無法知道哪一水平見底或見頂，所以買入後再跌多少十分正常，沽出後再升亦冇大不了，最緊要係喺一買一賣中獲利。

金價支持位在375美元

　　冇人能夠賺盡，今時今日股巿進入偏高期（但唔代表唔能夠再升），外匯進入迷失方向期，黃金仍處可以買入期。我老曹相信，盎斯金價三百九十四點八美元唔係近七年來最高價，由於偏離五十天線，因此近期出現調整，支持位在三百七十五美元。反之，恆生指數阻力區在11500至12200點，今天開始進入阻力區；所謂阻力區即去年5月唔少人被困水平，恆生指數一旦見番11500點到12200點，唔少去年被綁資金有機會打和離場。

　　華晨中國汽車（1114）停牌，部分董事配售股份。花旗銀行以每股二元五角五仙至二元六角五仙配售一億一千三百六十四萬股華晨。

　　香港葯業（182）債務重組，無法9月30日前公布2002/03年度業績，延期到11月30日左右公布。

　　新怡環球（1094）收購貫華網絡科技公司，代價三千五百萬元。貫華去年啟業，為國內之專業項目提供系統集成服務，以及發展資訊科技基建網絡，預計明年純利唔少於一千萬元。貫華今年7月31日止資產淨值四百一十萬元，9月24日三百九十九萬元股東貸款轉為資產。

　　德信控股（758）今年6月30日止資產淨值五千五百二十三萬六千元或每股一角五仙。

　　協里（729）收購BMT 0.05%而發行五千六百萬股新股，每股三仙。

　　奧瑪仕（959）以每股二角發行一千一百九十萬一千六百股，佔擴大股本16.67%。

　　四通電子（409）額外發行一億七千萬元可換股票據，換股價五角二仙，可換為三億二千七百萬股，佔擴大股本21.43%。

　　科建集團（563）改名中新集團。

[ Next Thread | Previous Thread | Next Message | Previous Message ]