投資者日記特區政府重操故業 -- 皮蛋．黃．在家

[ Show ]

Support VoyForums

[ Shrink ]

VoyForums Announcement: Programming and providing support for this service has been a labor of love since 1997. We are one of the few services online who values our users' privacy, and have never sold your information. We have even fought hard to defend your privacy in legal cases; however, we've done it with almost no financial support -- paying out of pocket to continue providing the service. Due to the issues imposed on us by advertisers, we also stopped hosting most ads on the forums many years ago. We hope you appreciate our efforts.

Show your support by donating any amount. (Note: We are still technically a for-profit company, so your contribution is not tax-deductible.) PayPal Acct: Feedback:

Donate to VoyForums (PayPal):

[ Login ] [ Contact Forum Admin ] [ Main index ] [ Post a new message ] [ Search | Check update time | Archives: 1, 2, 3, 4 ]

[ Next Thread | Previous Thread | Next Message | Previous Message ]

Date Posted: 04:02:02 09/18/03 Thu
Author: 曹Sir
Subject: 投資者日記特區政府重操故業

9月16日，周二。今天恆生指數由下跌百多點改為倒升78.65，收11071.38，理由係沙士疑雲消除。9月期指略為低水，收11030點。股巿仍傾向炒二線股，中移動（941）升2.2%，見二十一元；華創（291）升4.2%，見八元七角；蜆売電器（081）升12%，見一元六角六仙；精電（710）升8.1%，見七元三角五仙。

　　近期住宅樓價已較沙士疫情時上升5%，而且傳10月政府將減低印花稅以刺激樓宇交投，部分買家急於買入新單位，舊單位則唔賣住善價而沽，令樓巿出現短暫復甦。

　　思捷（330）估計2002/03年度獲利十億八千五百萬元，上升16.5%，每股獲利九角二仙，?狺G十二點二倍，現價吸引力一般。

　　信德（242）周四公布中期純利，受沙士疫情影響，估計半年獲利七千四百八十萬元，較去年同期減63%，理由係來往港澳人士今年上半年減17%，擔心上半年水翼船業務無利可圖；加上今年上半年銷售物業利潤有限，估計全年獲利一億四千四百萬元或每股七點四仙，未來?狺T十八倍，吸引力亦係一般。

上升通道未被打破

　　我老曹係美元淡友，不然去年亦唔會向各位推介歐羅同黃金，今年亦唔會向各位推介加元。我老曹亦係油價淡友，以為伊拉克戰爭結束後油價將反覆向下，所以今年4月冇向各位推介石油股，只推介鋼鐵及資源股。我老曹亦唔相信今年第三季美國GDP增長率有格蛇描繪咁好，所以傾向保守D，雖然在低利率下，銀行存款資金被驅趕入巿炒股票。

　　踏入9月，無論股巿、黃金、外匯，都似忙到一頭煙，情婦樣樣都準備好，但主角（男主人）仍未出現，到底今天晚上會係一個歡樂的晚宴，或者係另一個孤單的晚上？時間一天天過去，至今股巿、金價及外匯仍未找到方向。睇唔清趨勢乃分析工作者的致命傷，情況有如做妻子的弄不清自己的丈夫在外面到底有冇女人！（作為男性，擁有一個女性閣下擁有美滿家庭，但同時擁有兩個女性肯定噩夢連場。）英國統計數字指出，10%新婚太太懷疑自己丈夫有外遇！

　　圖表許多時較文字更有說服力。4月25日開始的上升軌仍在正常運行，恆生指數上升通道下支持10600點，上阻力11500點【圖】，在未打破上述兩點前，大巿仍係反覆；如升破11500點，即大巿已完成消化5月到8月的升幅，有望再創高峰；如10600點失守，就係咁先！技術上睇，12000點阻力十分大，因為此阻力乃去年高點，唔少投資者的資金便在此水平被困，大巿必須高於12000點才能釋放更多股蟹。

　　作為投資者，必須做功課及自行決定，在做決定之前不妨詢問別人；不過，最好諮詢較自己投資同理財更成功的人，而非較自己差的人。千萬唔好問和尚借梳！　　本周末日本大選，如小泉連任（機會十分大），可一直做到2006年，將係日本近三十年內任期最長的首相。至於佢推行嘅改革如何？至今為止，日經平均指數由4月28日7604點，升到10887點，升幅達43%，但較小泉2001年上台時仍低26%；小泉在任兩年半，日本人均收入減少2.7%，失業率升至5.5%（日本新高）。當年小泉以87%支持率上台，今天支持率已下降至58%，佢上任時對選民嘅承諾大部分都落空，理由係佢太容易與老一輩自民黨成員妥協，例如限制政府貸款在八十五億美元一年、削減公共開支、糾正銀行負債太重等等冇一項落實，至今仍有58%支持率，理由係日本人認為無法落實理由係來自黨內舊有勢力；其次係2001及02年世界經濟出現衰退。

綠化郎錯在急於求成

　　小泉上任之時，我老曹曾批評佢改革不了什𠎀，理由係戴卓爾夫人獲保守黨支持而上台改革英國政府，所以佢成功；列根總統也獲共和黨支持上台而改革美國政府；至於小泉只係自民黨知道佢民望高才支持佢上台，並非真心支持佢進行改革。依家小泉嘅優勢係日經平均指數由4月28日上升至今升43%，加上國際間要求人民幣升值呼聲，令日本人相信日本經濟今年4月份起可開始改善（我老曹雖然在5月份曾估計日本熊市結束，但至今未肯定，理由係走勢上睇今年4月應係熊市第三期完成，但本質方面例如日本經濟前景未見改變，唔似82年美股在經濟本質改變下開始牛市）；今年小泉如連任，由於支持率降至58%，更難推行改革，因此我老曹建議日經平均指數升逾一萬點應獲利賺咗先，而非加碼。

　　戰後自民黨一直領導日本經濟由廢墟中重建，結果亦造成自民黨一黨獨大，但隨著工業社會高潮過去，知識產權時代來臨，自民黨太留戀過去的成功，墨守成規，未能帶領日本走上知識產權型經濟。今年4月日經平均指數反彈，到底係偏低引發補倉行動，抑或像82年美股代表進入高科技時代？我老曹至今搞唔清。面對中國工業日益強大，日本如何轉型到知識產權時代？這是日股牛市是否重臨的關鍵所在，亦係香港政府必須學習之處。

　　97年7月香港房地產售價實在太高，呢點連三歲孩童都知，綠化郎上任首天便推出「八萬五」，錯在急於求成！佢忘記土地收入佔政府收入接近三分一，亦係本港一百萬中產階級財富所在，破壞咗房地產在本港GDP所佔地位，經濟的一大支柱便崩塌。綠化郎口口聲聲提出數碼港、中藥港、時裝中心、航運中心、高科技產業中心……冇一個成真，搞咗六年半，結果特區政府重操「故業」，再次支持樓價，可惜信心有如水晶燈，打爛咗都好難砌得番，最後香港變成點樣？真係木宰羊。

一人賺錢難維持中產生活水平

　　科技及互聯網普及，造成天涯若毗鄰的環境，過去無法發生的事今天已變成現實，例如接聽電話理財者分分鐘が深圳而非本港，結果公司佔用寫字樓樓面減少，造成寫字樓租金回落，裁員節省成本亦令失業率上升。呢次經濟雖然復甦，但失業率無法改善，寫字樓租金不升反跌。今天失業率上升唔代表冇飯食，只代表愈來愈多家庭好難再公一份婆一份去維持中產階級生活水平，當一個家庭由兩個人收入變成獨力支持，生活水平便立即由「中產」下降至「貧窮」（所謂「中產」係指年收入二十五萬元以上、七十五萬元以下），部分不善理財者更變成負資產家庭，因為一個正常家庭可節省開支20%而唔影響生活水平，但絕對唔可以收入減少50%而唔影響生活水平。80%中產階級的收入中，50%用於供樓，一旦其中一個冇咗收入，許多時連供樓能力亦失去，因此利用信用卡去頂數，有一天頂唔住便走向破產之途。破產三大理由係：一、失業；二、婚姻出問題；三、家中有病人。今時今日，只有少數家庭可依賴一人收入維持中產階級生活水平。

　　近年企業純利上升來自節省開支而非營業額上升，97年7月回歸後特區政府漸漸官僚起來（雖然本港仍係世界上最自由城市），唔少事前缺乏諮詢的監管條例出現，影響營商環境；反之，中國內地的官僚程度卻日漸改善。資金對呢方面最敏感，資金流向已話畀各位知許多事，大方向係中國漸漸港式化，香港漸漸中國化。

　　今時今日，特區政府仍有大把埃及妖后嫁妝可以浪費，所以稅率變化唔大，但估計2007年或以後香港最大吸引力（低稅率及極之簡化的稅制）亦將失去。換言之，97年7月後最大變化係中國一天一天好，但香港一天一天差；中國好香港好，呃細路而已。

加稅猶如乞兒兜搶飯食

　　面對財赤，IQT都幾頭痛，如大幅削減開支，代表唔少你的公僕或資助機構員工收入下降，士氣受損；如增加稅收，代表向市民口袋中ゲ走資金，今時今日市民已好窮，再增加市民負擔，猶如乞兒兜搶飯食，必然有不良影響。

　　美吉利國際（353）停牌，公布發行新股。

　　友利控股（419）以每股三仙配售五億股，集資一千四百五十萬元，佔擴大股本15.27％，高振順及一致行動人士佔擴大股本後31.12％。

　　佑威國際（627）以每股三角八仙配售一億一千二百萬股，佔擴大股本7.96％，集資四千二百六十萬元，其中一千九百一十萬元在中國建設納米業務之生產設施，一千二百五十萬元用作減債，一千萬元作營運資金。配售價較今年3月31日止每股資產淨值三角一點九七仙，有18.9％溢價；梁鄂佔擴大股本約44.5％。

　　Maxi Gain知會中華城市燃氣（603）已出售Noble Islands股權，該公司唯一資產係二十一億八千萬股中華城市燃氣，買方為周偉榮，代價一億一千三百多萬元或每股五點二仙；出售後黃景兆退任董事局主席，由周偉榮代替，佔公司24.16％。

　　中國投資基金（612）股東以七百三十多萬元或每股三角五仙，出售二千零八十九萬六千股予四海國際（120），購入後四海國際佔26.12％。

　　香港建設（190）重組協議最後期限由9月15日改為9月22日。

　　協里（729）公布可換股債券已轉為普通股，令股本擴大4.09％，共發行三億一千二百五十萬股新股交換五百萬元可換股債券。

　　松景科技（8013）一名主要股東王世文9月15日出售1.9％股權共一千三百一十八萬股，出售後仍佔公司8.5％。

　　■辰達永安旅遊（1189）、中國光大國際（257）、中策集團（235）、正興（692）、御泰金融（555）、中大娛樂（8167）、銀建國際（171）、福方國際（885）、金豐21（2312）、華聯國際（969）、i100（2966）、美吉利國際（353）、曼盛生物科技（512）；閩信集團（222）、財訊傳媒（205）25日；廣益國際（530）、精藝集團（559）、福邦（1041）、MRC控股（8070）、中國星（326）、圓通（1188）、豐釆多媒體（764）26日公布業績。

[ Next Thread | Previous Thread | Next Message | Previous Message ]