Author:
學會已改制 唉
[ Edit | View ]
|
Date Posted: 10:47:39 12/24/08 Wed
>我對於你地既留言有少少感想..
>其實我係natural既因為我唔係好sure件事既來龍去脈,
>始終唔係親身目睹
>呢件事上面可能同學唔守regulations,一錯
>可能有出言挑釁, 二錯
>而校工可能言辭不當和動手, 一大錯
>而校方到現左都未給予一個交代俾濟記同學, 一大錯
>我亦曾經係一個好反叛既學生
>而我亦是一個敢言 敢作敢為既學生
>如果該同學真係受了屈辱
>而又覺得係呢一件事上面手執道理既話
>我亦希望那位同學可以站出來正面回應校方所謂"雙輸"既處理
>如果你冇理虧,那怕站出來, 係咪? 我支持你咁做
>而且我相信校方並唔會因為你張揚事件而"做"你
>因為校方係公平既, 而且佢都唔可以咁做,
>因為事實真係你受害
>
>而校方既做法, 我唔敢話好唔好
>只係我覺得如果有一件咁嚴重既事發生
>校方應公開公平咁處理
>眼見咁多同學都關心此事
>可不與學生會或學生代表來一次會議?
>同學又可發表佢地既訴求,又係一個公開d既medium去處理事件
>當然會上唔係一定要做決定, 學校可以做最終決定
>但至少透明度又可提高
>我在大學亦是多個body既學生代表
>在會上令我明白到係處理同一問題上
>各body包括學校,同學等都會有不同訴求同意見
>雖然達不到每一body既要求
>但可做一個平衡 得到一個最好既方法
>呢一個先至係雙贏
>
>另外有同學講話學校變了
>我其實亦有同感
>不過有人指係全因校長同副校長上任
>我又不大同意
>其實我都有俾姚副校教過
>我亦明白佢既"教育"(不只教書)方式唔係人人都接受到
>但係我覺得人人既處事方式不同
>不可一面倒咁話人唔岩
>其實佢亦係站係學校各度
>權衡各方利益才做決定
>其實冇話對與錯
>就好似我係學生我都會企係學生個面
>冇話岩唔岩
>
>但係我覺得校園變成咁
>同校園讀書風氣比以前重不冇關係
>我地舊時係著重全人發展,德智體群美我重記得
>我地讀書時又會好中意運動
>由其係我
>我記得我初中時曾有一連七日都係濟記打波既records XD
>我地又會好多野講, 口才了得
>又會有好多唔同既興趣
>而最重要係學校好鼓勵我地咁樣做
>BA又會好親同學好friendly, 校工又會好friendly,
>我記得d呀哥呀姐好好人成日同我地傾計
>當然我唔係話而家d同學唔叻, 你地其實比我地o個時重聰明
>唔係而家校長老師唔好, 都唔係而家d校工唔好
>只係我覺得你地中間少左d linkages
>少左課內外溝通
>好似太重視成績而冇左d好重要濟記既獨有俯特點
>其實學校內所有人都應該正視下呢個風氣
>我地唔係要一個好commercial好勁好多A既school
>我地係一間教每一個學生待人處事,
>豐富學生心靈同知識既地方
>呢個就係我七年來得到同感覺到既野
>希望濟記一年比一年好
唉 學會同以前唔同
依家D學會比起以前少左
仲有好多學會係唔收會員
由其是學術類唔收會員, 實為一大損失
可以話linkage 就係度斷左
以前都話有例會, 唔想做野既都會開例會
而家學會直頭係連野都唔做, 又或者可以話係冇野做
總結: 改完衰過唔改, 懷念以前的聖芳濟
|
Feedback: 