Author:
小珊子
[ Edit | View ]
|
Date Posted: 14:20:52 01/31/05 Mon
懷著緊張的心情,1月24號晨早六點三就要返到公司拎貨去.....去到機場將兩個大的行李寄倉,每人再拖著一個細行李......由於裡面全是貴重野,我拖住都覺得又重又緊張,時時刻刻都要留意著......
怎料第一次出trip就有驚險的事發生,去到日本機場,我們要帶著份carnet過關,裡面全是登記晒我地D貨既資料,海關人員要打開我們的行李,抽幾件出來對一對是否和carnet的一樣,我同事就跟左海關入room,我在外面等著......看到很多行家都過完關,但是我同事很久都未出來,我已經開始擔心......後來我去左那間room既門口望望,我同事叫我入去,原來我地份carnet由我整完後要俾人在香港加簽,份carnet是一年有限的,但那人竟然吸印吸錯左05年1月,換言之即係過左期.......海關唔俾我地入境,一係就要我地俾十幾萬港幣既稅,一係就要我地返香港簽返份野!!!!!那時我聽了真的很擔心,心想不是那麼黑吧?!於是我地打返香港公司,叫簽carnet那個機構fax張証明過來日本,証明日期應是06年.......好彩日本那面最後都肯比我地入境......但那時已經五點幾,商會既車都走了,累我們要自己搭車去酒店,又剛剛走左車,要等一小時,行車時間又要一小時.......我們的會場在很僻既地方,酒店在有明,去會場只是步行五分鐘.....去到酒店都7點幾了,我們拖著D貨去左食一間意大利菜,食完後就回酒店砌貨,為開show作好準備......
第二天一早我們去到show場set場同鎖貨,攪到三點幾先食飯,同事帶我去左台場一間食拉麵的食麵,一碗麵要港幣九十幾蚊,但係勁大碗,有成十塊豬肉!!之後我們整天都係行街買野,夜晚佢帶我去食壽司,從未食過廿幾蚊一舊既壽司,其中一舊甘蝦壽司,見到他新鮮用手捉上來,打死隻蝦再整成壽司,其實都有些殘忍,不過真係好甜又好食......兩人食左四百蚊左右,不過都係公司數.....嘿嘿~~
26號至29號正式開show,第一天和第三天很少生意,但係第二天和最後一天又好好生意......老闆26號來到,我們三人加埋翻譯一齊去左池袋食shabu shabu,仲要係任食的,不過得牛肉同菜,我食左六碟牛肉,那些牛肉真係好薄又好味又唔肥~~
27號那天同事帶左我地新宿食拉麵,由於我們的會場和酒店都係在很僻既地方,所以去其他地方食野,都要乘火車半小時左右....真係山長水遠咁去搵食....而日本既shop好早收,所以食完飯九點幾已經無野可以行,唯有返酒店.....
28號和對面個booth既行家一齊去左元宿行街,不過很多都收左,行完又係去食拉麵...不過日本既拉麵真係唔錯,湯底比香港的濃好多....但係就無咩料囉~~又無咩款,食來食去都係得塊肥到死既豬肉......之後我partner就回酒店,我地三個繼續去新宿行一陣就回去
29號那天我地收show無得鎖貨,又要拖住D貨去附近既意大利菜食飯,那兒的野食都幾平,不過每碟都好細,所以要叫好多碟先夠......很不捨得翻譯叔叔,佢係度同我地食野,叫菜都方便好多.......
30號十點鐘就要check out,坐到十二點幾先有車去機場,真係悶死我,我partner叫我在附近行下,但我都費事啦~~
今次既旅程我都冇咩時間買手信,只係買左好多零食回來,仲有yen帶返來香港.....唯有等有機會去日本旅行先再用啦~~
[ Post a Reply to This Message ]
|
Feedback: 
好人∼?
買左新電腦啦~~
有時候不是關於"說不說出來"的問題
減肥
最近公司發生很多事...........
嘿嘿~~
昨天公司又炒人........
大家都係出Trip,點解你好似拍旅遊特輯咁,而我就......
又熱又悶!!!
PS
勁free的幾晚